پڕکردنه‌وه‌کان

پڕکردنه‌وه‌کان
  پڕکردنه‌وه:‌ که‌ره‌سته‌یه‌که‌ که‌‌ پزیشکی ددان به‌کاری ده‌هێنێت بۆ پڕکردنه‌وه‌ی ددانی چاڵبوو، دوای ئه‌وه‌ی کلۆرییه‌که‌ی لێده‌کاته‌وه‌
 
بۆ ئه‌وه‌ی ددانه‌که‌ت بۆ پڕبکاته‌وه،‌ پزیشکی ددان ددانه‌که‌ت بۆ سڕده‌کات به‌ به‌کارهێنا
نی به‌نجی ددان دوای سڕبوونی ددانه‌که‌ت کلۆرییه‌که‌ لاده‌بات و جێگه‌که‌ی به‌ پڕکردنه‌وه‌ پڕده‌کات
پڕکردنه‌وه‌کان له‌ که‌ره‌سته‌ی جۆرا و جۆر دروستکراون له‌ پزیشکه‌که‌ت بپرسه‌ چ جۆرێکت بۆ به‌کاربهێنێت:
ئه‌مه‌ڵگه‌م: ئاسانترین که‌ره‌سته‌یه‌ بۆ به‌کارهێنانی له‌ لایه‌ن پزیشکی ددان خێراترین و هه‌رزانترین که‌ره‌سته‌یه.‌ ئه‌مه‌ڵگه‌م تێکه‌ڵێکه‌ له‌ جیوه‌ و سلڤه‌ر و ته‌نه‌که‌ و چه‌ند کانزایه‌کی تر
کۆمپۆزت: ئه‌م جۆره‌ پرکردنه‌وه‌یه‌ له‌ ڕه‌نگی ددان ده‌چێت. ئه‌م‌ پڕکردنه‌و‌یه‌ به‌ زۆری بۆ ددانه‌کانی پێشه‌وه‌ به‌کاردێت. به‌کارهێنانی کۆمپۆزت زۆر ئاسانتر و هه‌رزانتره‌ له‌ زێڕ
ئاێۆنۆمه‌ر: ئه‌مه‌ش له‌ ڕه‌نگی ددان ده‌چێت. پزیشکی ددان به‌ زۆری بۆ چاڵ بچوک و چاڵی نێوان ددانه‌کان به‌کاری ده‌هێنێت. هه‌ندێک له‌م‌ ئایۆنۆمه‌رانه‌ فلۆرایدی تێدایه‌ که‌ یارمه‌تی به‌هێزبوونی ددان ده‌دات
زێڕ: گرانه‌ و قورسه‌ له‌ به‌کارهێناندا و کاتیش زۆرده‌خایه‌نێت
سیرامیک: پڕکردنه‌وه‌یه‌کی له‌ڕه‌نگی ددانی گرانه.‌ ئامێر و که‌ره‌سته‌ی تایبه‌تی ده‌وێت و پێویست به‌ تاقیگه‌شه. چه‌ند سه‌ردانێکی نه‌خۆشی ده‌وێت بۆ نۆرینگه‌ بۆ ته‌واوبوونی
بۆچی ددانه‌کانت پڕده‌که‌یته‌وه‌؟‌
ئه‌گه‌ر ئه‌و ددانه‌ی کلۆربووه‌ پڕنه‌کرێته‌وه‌ ئه‌و کلۆرییه‌که‌ی زیاد ده‌کات، باری ساغی ددانه‌که‌ت خراپترده‌کات و ددانه‌که‌ت که‌ڵکی به‌کارهێنانی نامێنێت و له‌وانه‌شه‌ ببێته‌ هۆی ئازار له‌به‌ر ئه‌وه‌ ددانی کلۆر ده‌بێت له‌ کلۆریی پاکبکرێته‌وه‌ و به‌ پڕکردنه‌وه‌ی پێویست پڕکرێته‌وه
پڕکردنه‌وه‌ی ددان ده‌بێته‌ هۆی ئه‌وه‌ی که‌ کلۆریی بوه‌ستێت و ددانه‌کان به‌ باشی ئیش بکه‌ن و جوانی و په‌یکه‌ری ناوده‌م بپارێزێت. به‌ تێپه‌ڕبوونی کات پڕکرنه‌وه‌کان لێیان ده‌ڕوات پێویستیان به‌ پشکنینه‌ بۆ ئه‌وه‌ی ئه‌گه‌رپڕکردنه‌وه‌یه‌ک خراپ بووبگۆڕدرێت

له‌وانه‌یه‌ ئاره‌زووی سه‌ردانی ئه‌م بابه‌تانه‌ش بكه‌ی!