سوده‌كانی لاله‌نگی بۆ مرۆڤ

.
سوده‌كانی لاله‌نگی بۆ مرۆڤ
 .
لاله‌نگی میوه‌یه‌كی زستانه‌یه‌و تامی شیرینی و ترشی پێكه‌وه‌ده‌دات، چه‌ندین سودیشی هه‌یه‌ و له‌ئێستادا شاره‌زایان به‌میوه‌یه‌كی گرنگ و به‌سودی ده‌زانن بۆ مرۆڤ. به‌جۆرێك به‌خواردنی لاله‌نگی بۆ دابه‌زاندنی كێش به‌سوده‌، به‌جۆرێك هه‌موو سه‌د گرام له‌لاله‌نگی (53)كیلۆ كالۆری تێدایه‌ له‌گه‌ڵ ڤیتامینه‌كانی (C,A ) كالیسیۆم و پۆتاسیۆم. لاله‌نگی رێژه‌ی (80%)ی پێویستی له‌شی له‌ڤیتامین سی تێدایه‌، بۆیه‌ به‌رده‌وام خواردنی لاله‌نگی خۆت و خێزانه‌كه‌ت ده‌پارێزێت و به‌رگری له‌شیان زیاد ده‌كات له‌دژی سه‌رما.
هه‌روه‌ها رێژه‌یه‌كی زۆری ماده‌كانی دژه‌ ئۆكسانی تێدایه‌ كه‌سود به‌ته‌ندروستیت ده‌گه‌یه‌نێت ئه‌م رێژه‌یه‌ش له‌و رێژه‌یه‌ زیاتره‌ كه‌له‌پرته‌قاڵدا هه‌یه‌، لاله‌نگی پارێزگاری له‌گه‌نجێتیت ده‌كات و سیستمی به‌رگری له‌شت به‌هێز ده‌كات.
به‌هۆی بوونی ئه‌ورێژه‌ زۆره‌ی دژه‌ ئۆكسانه‌وه‌، واده‌كات له‌ش به‌خێرایی رزگاری بێت له‌رۆن و به‌وه‌ش رێژه‌ی كۆلیسترۆل داده‌به‌زێنێت. لاله‌نگی رێژه‌یه‌ك له‌ماده‌ی (به‌كتین)ی تێدایه‌ كه‌هاوكار ده‌بێ له‌رێكخستن و باشتر كردنی پرۆسه‌ی هه‌رس كردن و زیادكردنی ئه‌و به‌كتریا به‌سودانه‌ی له‌ریخۆڵه‌كاندا هه‌ن بۆ كارئاسانی باشتر به‌رێوه‌بردنی پرۆسه‌ی هه‌رسكردن.
سوپاس بۆ ‎‎گروپی پزیشكی دەریـــا
.

 _________________________________

له‌وانه‌یه‌ ئاره‌زووی سه‌ردانی ئه‌م بابه‌تانه‌ش بكه‌ی!