ئەو خۆراكانە كە زیان بە ددانەكان دەگەیەنن

پاك و خاوێن ڕاگرتنی ددانەكان و شوشتنیان بەشێوەیەكی رۆژانە بە فڵچەی تایبەتی، هۆكارە بۆ پاراستنیان لەهەموو جۆرە میكرۆبێكی خراپ و هەركێشەیەكی تر كە زیان بەددانەكانت بگەیەنێت.

بەشێوەیەك خواردنی ئەو خۆراكانەی دەوڵەمەندن بە ڤیتامینەكانی وەك (سی ، دی ) كالیسیۆم و چەندین ڤیتامینی تریش وادەكات دداانەكانت تەندروست بێت.

بەڵام ئەم خۆراكانەی خوارەوە بەشێوەیكی ڕاستەوخۆ زیان بە ددانەكان دەگەیەنن.

1-ئەو خواردنەوانەی كە شەكریان تێدایە: لەگەڵ ئەوەی حەز بۆ خواردنەوەیان لای مرۆڤەكان زیاترە ، بەڵام خواردنەوەی زۆرو بەردەوامی ئەو خواردنەوانە رێژەی ترشەڵۆكی ناو دەم زیاد دەكات.

2-خواردنی شیرینی: ئەم خواردنانە بەرێژەیەكی زۆر شەكریان تێدایە، بەتایبەتی ئەو خۆراكانەی شیرینیەكەیان لەسەر زمان دەمێنێتەوە بۆیە زیان دەگەینێت بەددانەكان و ترشەڵۆكی ناو دەم زیاد دەكات.

3-ئەو خۆراكانەی رێژەیەكی زۆر كاربۆهیدراتیان تێدایە: زۆرێك لە خواردنەكانی وەك (برنج ، مەعكەرۆنی ، بەتاتە) بەڕێژەیەكی زۆر شەكری نەتواوەیان لەناودایەو ڕیّژەی  بەكتریا زیاد دەكەن و زیان بەددانەكان دەگەیەنن.

4-خواردنەوەی چا و قاوە: رێژەی ترشەلۆكی ناو دەم زیاد دەكات و زیان بەمینای ددان دەگەیەنێت، خواردنەوەیان بەبەردەوامی رەنگی ددان تێك دەدات و رێگر دەبێت لەمانەوە رەنگە سپیە جوانەكەی.