بەپێی دەرەنجامی توێژینەوەیەكی ئەكادیمی، پێگەی كۆمەڵایەتی فەیسبوك رۆڵێكی گەورەی هەیە بۆ تێكدانی میزاجی بەكارهێنەران.
ئەو توێژینەوەیەی كەزانكۆی (میشیگانی ئەمریكی) ئەنجامیداوە دەریخستوە كەبەكارهێنەرانی فەیسبوك هەست بەخراپە دەكەن لەبەرامبەر خۆیان و ژیانیان ئەمەش لەدوای ماوەیەك لەبەكارهێنانی ئەو تۆڕە كۆمەڵایەتییە.
توێژینەوەكە لەرۆژنامەی (لوس ئانجلۆس تایمز)ی ئەمریكی بڵاویكردەوەو ئاماژەی بەوەكردووە، كەبەكارهێنەران بەجیاوازی شێوازی بەكارهێنانی سایتەكە و ئەگەر تۆزێك هاورێی زۆریان هەبێ یان بەشداریكردنیان لەگەڵ هاورێیاندا ئەرێنیش بێت، هەر توشی حاڵەتی تێكچونی میزاجیان دەبنەوە.
لەوبارەیەوە (ئیسان كروس) زانای زانستی دەرونی و كۆمەڵایەتی لەزانكۆكە رایگەیاندووە: ئەو نمونەیەی كەسودی لێوەرگیراوە بۆ توێژینەوەكە، ئەو كەسانە بوون رۆژانە بەپێی بەكارهێنانی ئەو تۆڕە توشی حاڵەتەكە بوون.
راشیگەیاندووە: كە هەستكردن بەتەنیایی هۆكاری گەورەیە لەتێكچونی باری دەروونی بەكارهێنەرانی فەیسبوك، چونكە لەدوای ماوەیەك توشی ئەو هەستە دەبنەوە.
لڤین پرێس
_________________________________